فاشارەکانی هێزە ئەمنییەکانی کۆماری ئیسلامی ئێران بۆسەر هاوڵاتیان درێژەی هەیە

لە ماوەی ١٠ ڕۆژی ڕابردوودا، ئیدارەی ئەمنی ئیتلاعاتی مەریوان دەستی کردووە بە بانگهێشتکردنی ژماره‌یه‌كی زۆر لە خەڵکی گوندی “نێ” سەر بە شاری مەریوان ی ڕۆژهەڵاتی کوردستان و لێپرسینه‌وه‌یان له‌گه‌ڵ كردوون.

بە پێی سەرچاوەی زانیارییەکان  هێزە ئەمنییەکانی ئیتڵاعات  بەڵێنییان لە هاووڵاتییانی گوندی “نێ” وەرگرتووە کە له‌مه‌وبه‌دوا لە هیچ جۆرە ڕێوڕەسمێک کە لە گوندی “نێ” بەڕیوە دەچێت بەشداری نەکەن و هەڕەشەیان لێکراوە کە لە ئەگەری پێبەندنەبوون بە بەڵێنییەکانیان دەستبەسەر و زیندانی دەکرێن.